Policia greke e anti-drogës ka zbuluar dhe asgjësuar një plantacion me bimë narkotike në zonën e Patras që ishte kultivuar nga dy shqiptarë dhe një grek. Policia helene kishte marr në rrugë operative informacion se në një kodër të pyllëzuar janë mbjell fidanë canabis.
Njëri prej shqiptarëve ishte i armatosur me pistoletë dhe i bëri rezistencë policisë për t’u arrestuar, por u prangos disa minuta më vonë. Mediat greke bëjnë me dije se autoritetet asgjësuan 342 bimë kanabis me lartësi deri në 2.5 metra. Shqiptarët e arrestuar janë të moshës 35 vjeç dhe 31 vjeç, por identitetet e tyre nuk janë bërë të ditura. Sipas policisë të dy shqiptarët kanë kaluar kufirin në mënyrë të paligjshme.
Gjithashtu policia greke sekuestroi 2 pistoleta 5 telefona celularë si dhe peshore elektrike. Droga e sekuestruar nëse do të dilte në treg, sipas policisë do të kapte shifrën e 400 mijë eurove.
ma.me
