Policia greke ka sqaruar vdekjen e 29-vjeçarit, nga Lezha, Pëllumb Nikoll Marnikollaj. Në një reagim të autoriteteve helene, pas kërkesës së bërë nga Ambasada shqiptare në Athinë thuhet se i riu shqiptar është hedhur nga dritarja e komisariatit të policisë.
“Viktima është hedhur nga dritarja, pasi e kuptoi se do ta arrestonin”, theksohet në reagimin e Policisë greke. Sipas saj Pëllumb Marnikollaj kishte urdhra të tjera arresti që duheshin zbatuar.
Në versioni i policisë greke, thuhet se ngjarja ka ndodhur në 3 gusht, ora 14:30 në rajonin e policisë “Kato Patisia”. Ambasada shqiptare në Athine thotë se në ditët e ardhshme do të dal raportin përfundimtar, shkruan klan.
………….
Familja Marnikollaj në Rrilë të Lezhës ka hapur dyert e zisë, për të pritur ngushëllime për djalin . Ata pretendojnë se është vrarë në mënyrë misteriose në polici dhe se në ditët në vijim, do të këne një reagim rreth kësaj ngjarje.
Miq të afërm dhe banorë të zonës, i kanë shprehur ngushëllime familjes Marnikollaj. Mbrëmjen e së shtunës, trupi i viktimës ka mbërritur në Shqipëri, ku sipas informacioneve nga familja i është nënshtruar një ekpertize mjeko-ligjore dhe në Morgun e QSUT-së.
Djali i xhaxhait të 29-vjeçarit, Besnik Marnikollaj konfirmoi për Televizionin Klan, se ka qenë vëllai i tij, Artani, që me ndihmën e një avokateje greke ka arritur të gjejë trupin e Pëllumbit me datën 12 Korrik në varrezat e “Agio Anargioro”.
Sipas tij, policia greke ka refuzuar të bashkëpunojë. Kontaktet me Pëllumbin familja i kishte humbur që në orën 1 të datës 3 Gusht, ku 29-vjeçari ishte paraqitur në fillim të muajit sipas urdhërit të gjykatës për të firmosur.
Besnik Marnikollaj rrëfen se në trupin e kushëririt të tij vërehen shenja dhune . Varrimi i Pëllumb Marnikollajt do të bëhet të hënën në orën 11:00./tvklan/a.k
