Policia gjermane njoftoi sot se ka gjetur eksploziv ose material të ndezshëm në Potsdam dhe se ka evakuar një pjesë të tregut të Krishtlindjeve në këtë qytet në lindje të Gjermanisë.
Deklarata e policisë erdhi pasi autoritetet bllokuan qendërn e qytetit për t’i mundësuar forcave speciale të shqyrtojnë objektin e dyshimtë që gjendej pranë tregut të Krishtlindjeve.
Ky zbulim në Postdam, kryeqyteti i shtetit Gjerman të Brandenburgut, vjen pas rritjes së alarmit në tregjet e Krishtlindjeve pas sulmit terrorist të vitit të kaluar në tregun “Breitscheidplatz” në Berlin ku humbën jetën 12 persona dhe 56 të tjerë u plagosën./b.d
