Një qytetar nga Gjermania ka tentuar që të fus në Kosovë një armë përmes dërgesës me postë.
“Zyra doganore ka raportuar se gjatë kontrollit të pakove që dërgohen përmes postës ka hasur në një pako të dërguar nga Gjermania në të cilën kishte një armë me gaz snajper-r 5 GGBGGM, tre bombola gazi prej 520 ml, dy patrona plastike prej 2400 copë, shirit mbajtës dhe dy palë syze” – citohet të ketë thënë Policia e Kosovës sipas “Zhurnal”.
Sipas njoftimit, pako ka pasur destinacionin në adresën e një mashkulli serb, ndërsa në një pako tjetër e ardhur nga Holanda është gjetur një substancë e dyshuar narkotike.
Të gjitha pajisjet janë konfiskuar dhe lidhur me rastin është njoftuar prokuroria.
