Policia e Kukësit ka sekuestruar 12 pako me lëndë narkotike e dyshuar Cannabis Sativa, 20 copë kallëp me lëndë plasëse si dhe 16 fishekë.
Mësohet se gjatë kontrollit të ushtruar në fshatin Bele, në një shpellë në formë guve, janë gjetur dhe sekuestruar në cilësinë e provës materiale 12 pako të mbështjella me letër natriban me peshë rreth 10 kg lëndë narkotike e llojit Cannabis Sattiva, 20 copë kallëp me lëndë plasëse me peshë rreth 2 kg, si dhe 16 copë fishekë model 56.
Policia thotë se po vazhdon puna për identifikimin dhe kapjen e autorëve.
Materialet i kaluan për veprime të mëtejshme Prokurorisë së Rrethit Gjyqësor Kukës, për veprat penale “Prodhim dhe shitja e narkotikëve”, dhe “Prodhim dhe mbajtja pa leje e armëve luftarake dhe municionit”.
