Strukturat Vendore të Policisë Fier, gjatë kësaj jave kanë proceduar penalisht 50 shtetas për vepra të ndryshme penale, si dhe kanë marrë 756 masa administrative.
Policia e Fierit, shpjegon se këtë javë, 10 shtetas u arrestuan në flagrancë, 35 shtetas u proceduan penalisht në gjendje të lirë, 5 shtetas u ndaluan pasi ishin shpallur në kërkim. Janë plotësuar 5 kërkesë padi për t’u pajisur me urdhër mbrojtje.
Po ashtu, Policia e Fierit gjatë kësaj jave ka zhvilluar 2 operacione antidrogë ku u arrestuan në flagrancë 6 shtetas dhe u sekuestruan lëndë narkotike Kokainë dhe Cannabis Sativa.
Masa janë marrë edhe për shkelësit e rregullave të qarkullimit rrugor.
“Nga shërbimet e qarkullimit rrugor janë vendosur 756 masa të ndryshme administrative si edhe janë tërhequr 38 leje drejtimi për tejkalim të normave të shpejtësisë”, shprehet Policia e Fierit.
Policia e Fierit ka ushtruar kontrolle dhe ka marrë masa për parandalimin e kultivimit të bimëve narkotike.
“Në kuadër të planit të masave për parandalimin e kultivimit të bimëve narkotike në gjithë Qarkun Fier grupe kontrolli të policisë në bashkëpunim me Administratën e Zonave të Mbrojtura Fier, ushtruan kontrolle në sera, tunele, zona të pyllëzuara, stane e stalla, shtëpi të braktisura, ambiente të hapura”, shprehet policia.
a.ç
