Plan masash për zbatimin e Udhëzimit të Përbashkët të Ministrit të Punëve të Brendshme dhe Ministrit të Transporteve dhe Infrastrutkturës.
Në zbatim të Udhëzimit të Përbashkët të Ministrit të Punëve të të Brendshme dhe Ministrit të Transportit dhe Infrastrukturës“ nr.4351, datë 15.08.2014 “Mbi kufizimet në qarkullimin e mjeteve të rënda për tranportin rrugor të mallrave”, nga shërbimet e Policisë së Shtetit jane planifikuar masat përkatëse për propagandimin, zbatimin e tij dhe mundësimin e qarkullimit të sigurtë dhe të rrjedhshëm të mjeteve, në segmentet rrugore ku ky udhëzim vendos kufizimet për mjetet e rënda të transportit rrugor të mallarave gjate sezonit turistik dhe veror.
Nga ana e personave fizikë dhe juridikë që operojnë në fushën e transporti rrugor të mallrave, kërkohet bashkëpunimi për zbatimin e kërkesave të këtij udhëzimi nëpërmjet planifikimit të lëvizjeve të tyre në ditët dhe oraret e lejuara, në akset rrugore alternative që nuk preken nga kufizimet, pasi nga ndërperjet e qarkullimit mund t’ju shkaktohen edhe dëmtime të materialeve që transportojnë, përgjegjësi që bie plotësisht mbi ta.
Nga shërbimet e Policisë së Shtetit do zbatohen me rigorozitet te gjitha kërkesat e këtij udhëzimi duke i ndëshkuar shkelësit e kërkesave të udhëzimit, si dhe ndalimin e qarkullimit e ndëshkimin e mjeteve në kundërvajtjeve deri në oraret e lejuara për qarkullim.
Drejtoritë Vendore të Policisë në ditet në vijim do të bëjnë publike oraret dhe rrugët ku nuk do lejohet qarkullimi i mjeteve të tonazhit të rëndë./a.m.