Një person me inicialet F.V, 28 vjeçar, është proceduar penalisht nga Policia e Tiranës nën akuzën e posedimit të lëndëve narkotike dhe mbajtjes së simboleve të policisë.
I riu është kapur me një sasi të vogël droge ndërkohë në makinë i është gjetur dhe një stemë e policisë së rendit e cila përdoret për t’u vendosur në uniformë, një tjetër shkelje ligji.
“Më datë 08. 08. 2018, u referuan materialët në Prokurorinë pranë Gjykatës së Shkallës Parë Tiranë, për shtetasin F. V., vjeç 28, banues në Tiranë, pasi rreth orës 15:45, në bulevardin “Dëshmorët e Kombit”, gjatë kontrollit fizik të mjetit tip “Saab”, iu gjet dhe sekuestrua një stemë e policisë së rendit e cila vendoset në uniformë dhe 0.1 gr, lëndë narkotike e llojit Cannabis Sativa. Nenet 247 e 283 të Kodit Penal”, raporton policia./a.m.
