Tre persona kanë mbetur të plagosur mbrëmjen e sotme në Pogradec, si pasojë e një aksidenti.
Ngjarja ka ndodhur në segmentin Pogradec-Lin, tek Tuneli Panoramik ku janë përfshirë tre automjete.
Mësohet se një furgon i transportit të mallrave dhe një makinë tjetër, janë përplasur nga një mjet i tretë.
Furgoni i mallrave dhe njëra nga mjetet ishin ndaluar nga një polic për kontroll, në momentin kur furgoni është përplasur nga mbrapa nga automjeti tip “ford”. Ndërsa polici është goditur nga furgoni.
Të lënduarit janë transportuar drejt spitalit, ku ndodhen jashtë rrezikut për jetën, ndërsa po kryhen veprime nga policia në vendngjarje. /e.s/
