Vajza e 55-vjeçarit Ligor Biba, i cili u dënua pak ditë më parë me 4.8 vite burg për përdhunimin e një 15-vjeçarjeje në Pogradec, ka reaguar lidhur me ngjarjen. Valbona Biba ka hedhur poshtë akuzat e të miturës dhe prindërve të saj, nuk thënë se nuk është e vërtetë që e kanë kërcënuar dhe i kanë ofruar para. Ajo shton se ka biseduar me të atit pas dënimit të gjykatës dhe se ai është penduar për ngjarjen.
“Nuk është e vërtetë që i kemi kërcënuar dhe ju kemi ofruar lekë. Kemi shkuar vetëm një herë në banesë, bashkë me kryeplakun, për t’iu kërkuar falje. Kam folur me babanë pas dënimit që mori. Ai është i penduar. Ndihemi të turpëruar, por në asnjë moment nuk kemi kërcënuar familjen dhe Xhoanën”, thote vajza e Ligor Bibës.
Ngjarja e rëndë ndodhi një vit më parë, ku 15-vjeçarja mbeti shtatzënë pas abuzimit seksual nga 55-vjeçari. Kanë qenë analizat e AND-së së foshnjës së vajzës së përdhunuar që kanë treguar se Biba ishte babai i fëmijës. Ligor Biba u arrestua në muajin tetor të vitit të kaluar, pas denoncimit të prindërve të vajzës se fqinji kishte abuzuar seksualisht me 15-vjeçaren, që ishte në klasën e nëntë.
ma.me
