Qeveria kiliane ka konfirmuar se ka një mundësi që poeti dhe mbajtësi i Çmimit Nobel për letërsi Pablo Neruda është vrarë fill pas grushtit ushtarak të vitit 1973, e cila solli në pushtet gjeneralin Augusto Pinochet.
Njoftimi, i cili është dhënë pas disa njoftimesh gazete, sipas të cilit Neruda s’vdiq nga kanceri, konfirmoi tekstin e dokumentit fillestar e cila është përcjellë fillimisht nga gazeta spanjolle “Pais”. “Është e qartë se kjo është e mundur dhe ka shumë gjasa që një palë e tretë është përgjegjëse për vdekjen e Pablo Neruda”, thuhet në dokument.
Autoritetet pohuan megjithatë se ekspertët janë duke hetuar rastin por nuk kanë ardhur ende në një përfundim definitiv. Neruda, i cili në vitin 1971 fitoi Çmimin Nobel për letërsi, është i njohur mirë për poezitë e tij të dashurisë.
Ai njihet si politikan i krahut të majtë dhe diplomat dhe mik i ngushtë i presidentit socialist Salvador Allende, i cili vrau veten në mënyrë që të mos binte në duart e atyre që kryen grusht shteti ushtarak më 11 shtator 1973, të udhëhequr nga gjenerali Pinochet.
Neruda, i cili në atë kohë ishte 69 vjeç dhe që pretendohej se vuante nga kanceri i prostatës, kishte planifikuar të shkonte në eksil, por një ditë para nisjes së planifikuar është transportuar me ambulancë në klinikën Santa Maria, ku ai u trajtua për kancer.
Sipas versionit zyrtar, Neruda vdiq në spital më 23 shtator, nga shkaqe natyrore
