Nga Myslim Pashaj
Përfytyrimet politike siç vihet re, kanë dështuar, në përcaktim të së nesërmes sonë demokratike. Graviteti i së tashmes po i sjell argumente irracionalë, por leximi i tyre është i pamundur, sepse ne dimë të lexojmë “alla shqiptarçe ! “
Se ne dimë të ndërtojmë ditë të zeza!
Ja, që një pjesë e jona,alternativë demokratike, befas, në mes të udhës së dritës që kërkojmë, na nxjerr një çadër si një agora të shqyer, dhe aty shfaq ato produkte të cilat po i korrim këto ditë. Asnjë orakull demokratik s’e kish menduar se Lulzim Basha do të bënte emër, duke i dalë kundër të gjithëve, (kundër armiqësh dhe koalicione armiqësh ! … ( As Saliu, s’ish kështu i Ziu ! ) …kundërshti edhe në rrafshin ndërkombëtar, me një vërshim fjalësh ulëritëse të Revolucionit Demokratik, por ama, sa do që ta fshehë, s’e fsheh dot, se si fund, dëshiron: “Ta rrokë fizikisht shtetin në të gjithë indet e tij “ , “ askush s’do të paguajë taksa etj…”
Mosbindja civile nga “Gandizëm”kalon në pushtim fizik edhe pse pa armë etj.
Ja kush është mashtrimi !
Kjo e vërtetë duhet të shihet në sy, shqiptarët janë të turbullt, të hutuar dhe ashtu bardhë e zi e nxjerrin hera herës, atë helmin e urrejtjes.
Dhe ju mund të bëni përqasjet…se paralajmërimin e atij tërmetit të butë… që e thotë Basha me mosbindje civile, me atë zë demokratik të ngjirur, të çon në marrje të pushetit, jashtë të gjithë standarteve demokratike.
Tërmetet i parashikojnë dhe regjistrojnë në ndjeshmëri të lartë Sizmiografët dhe nga gjallesat minj.
A duhet t’u besojmë minjëve !
Padyshim që po ! Se dhe ata janë pjesë e pushtimit social të planetit tonë.
Shqetësimi është edhe frikë, është edhe alarm, se ndër cikle këtu tek ne, vjen një mallkim…shkatërrim dhe antishtet.
Na kujtohet Koelho tek “ Alkimisti” , që perifrazon një proverb arab: “ Ajo që ndodh një herë, ka të ngjarë që të mos ndodhë kurrë më. Por ajo që bën vaki dy herë, sigurisht do të përsëritet edhe një herë tjetër. “
Dridhma të tilla, janë përsëritur nja katër herë në Shqipëri:
a. Viti mbrapshtë 97’
b. Sulmi ndaj shtetit në ditën e përcjelljes mortore të Azem Hajdarit
c. Shpërthimin Korruptiv shtetëror i përgjakshëm në Gërdec
d. 21 janari i përgjakjes së Bulevardit.
Të katërta, këto tërmete e zezona, kanë për ideus dhe inspirues të tyre Sali Berishën dhe pjesërisht, në dy ato të fundit, edhe Lulzim Bashën, i cili vetëm me Berishën e ka ndërtuar këtë Projekt Shkatërrues.
Strukturën malinj të Shqipërisë e di Doktori, se ai e ka përgatitur në laboratorin e tij antikombëtar !
Atje ku dhëmb, është zemra e Shqipërisë edhe pse kështulloj e çaplyer, nga kjo palo politikë që së fundi polli një përfaqësues së gjeneratës më të re: Lulzim Bashën, i cili mund ta gjejë një çast fatlum t’i thërresë mendjes, të bëje ekzorcizmin nga vetja sepse, brenda tij është Demoni i Sali Berishës.
Një vepër përfundon, atëherë kur përmbushet qëllimi i saj.
Alibitë që po dëgjojmë, s’kanë lidhje me Zgjedhje të lira e as dekrim, ato janë fshehur në skenarin më fatal e më të verbër, të synimit shkatërrues të asaj që është ndërtuar deri më sot, shkatërrimin e sistemit, ku kërkohet një fillim i ri revolucionar që Lulzim Basha e shënjon në mënyrë aq grotekse vetëm fyerje për shqiptarët.
çadra…nuk është çadër, ajo është një ligësi mashtrimi edhe pse e bardhë dhe piramidale, duket sikur aty janë derdhur aq shumë fjalë, por ato mund të reduktohen , në ligjërim njëngjyror, me vetëm pesë fjali të cilat mbyllen me Republikën e Re.
Elektorati shqiptar është elektrizuar dhe kërkon që të përmbahet. Po kush do ta bëjë këtë?
Realiteti i zymtë i Shqiëpërisë së sotme, kërkon një çast ndriçueshmërie, për ta ruajtur shtetin dhe institucionet e tij, e të mos e çojmë atë në greminë…
Humbja është për të gjithë.Këtë e kupton Skajori Bashë, veçse në rrënjë rron mëkati… apo mëkatet që kanë ata të dy, ndaj Partisë së tyre, ndaj shqiptarëve…
Po e çojnë PD-në, në humbjn pakthim…
Sikur të gjithë formacionet e shoqëerisë së sotme sado të infektuara të jenë e sado që brenda farën korruptive të kenë, sikur, secili të flasë në opinion të tij si “mosbindje civile” , e kështu të shkojnë kundër njëritjetrit për të kundërshtuar aksionet ligjore, në udhëkryq, në shkollë , në spital, në K QZ, në postë të policisë, apo tek pagimi I taksave, në dy apo tre fronte kundërshtues duke filluar nga 7 maji e deri në 18 qershor, pa iu përmbajtur rregullave dhe standarteve, ku vallë do të na çojë kjo mushkë xanxare që hedh shqelmat e “mosbindjes civile ! “ ?
Merhumi, Muharrem Dule, si një Nastradin pat thënë një herë: “ Po u tërbua një qen, do të tërbohen dhe të tjerët…vonë apo herët ! “
Shpresojmë që të mos tërbohen të gjithë !
c.a
