Detaje te reja nga atentati ndaj Orlando Perkola i cili u ka shpëtuar plumbave në rrugën dytësore Xhafzotaj –Shijak.
Perkola ka qenë duke shpërndarë bombola gazi me kamioncinën e tij ndërsa babai i tij është polic burgu. Ata ajnë me origjinë Lekbibaj i Tropojës.
Ndërohë Policia e Durrësit në një informacion paraprak për mediat ka zbardhur dinamikën e atentatit të ndodhur paraditen e sotme në Shijak, ku shënjestër ishte djali i një efektivi policie burgjesh.
Durrës/Informacion paraprak
Në rrugën dytësore Xhafzotaj –Shijak, rreth orës 12:10, nga një automjet tip “Golf”, është qëlluar me armë zjarri në drejtim të automjetit tip “Kamionçinë”, që drejtohej nga shtetasi O. P.
Si pasojë e të shtënave nuk ka persona të lënduar.
Drejtuesi i kamionçinës ka humbur kontrollin mbi drejtimin e mjetit dhe për pasojë mjeti ka dalë nga rruga, por pa pësuar dëmtime fizike drejtuesi i mjetit.
Shërbimet e Policisë kanë shkuar menjëherë në vendngjarje, kanë ngritur pika kontrolli në të gjitha rrugët kryesore e dytësore, si dhe kanë rrethuar zonën. Vijon krehja e saj për kapjen e autorëve.
Grupi hetimor ndodhet në vendngjarje dhe nën drejtoim e Prokurorisë vijon puna për zbardhjen e rrethanave të ngjarjes, si dhe për identifikimin e autorëve.
g.kosovari
