Policia ka sekuestruar 128 kg lëndë narkotike të dyshuar si Cannabis Sattiva !
Arrestohen në flagrancë dy shtetas:
1- Banush Azizaj, 47 vjeç, banues në Vorë.
2- Geron Latifi, 43 vjeç, banues në Vlorë.
Policia Kufitare në bashkëpunim me Policinë Vendore, kishin siguruar informacion në rrugë operative se në plazhet e Zvërnecit po përgatitej një sasi lënde narkotike me qëllim për tu trafikuar në rrugë detare.
Në bazë të këtyre informacioneve, ka filluar operacioni i përbashkët për krehjen e zonës në fjalë, ku është konstatuar:
– Gjatë kontrollit të ushtruar në lokalin veror në përdorim të shtetasit Banush Azizaj, Policia ka gjetur një sasi me lëndë narkotike, të vendosur në 5 çanta sportive si dhe në 2 paketime të mbështjella me qese plasmasi, e dyshuar e llojit Cannabis Sattiva.
Pas peshimit, ka rezultuar se pesha totale e lëndës narkotike ka dalë prej 128 kg (kilogramë) e dyshuar si Cannabis Sattiva.
– Gjatë kontrollit të ushtruar në lokalin e shtetasit Geron Latifi, është gjetur dhe bllokuar një mjet lundrues gomone, me të cilën ishte planifikuar trafikimi i lëndës narkotike.
Mjeti lundrues, u gjet i çmontuar, me përmasa 3.3 m i gjatë dhe 1.3 m i gjërë, me dy motorë “Mercury” dhe “Yamaha” (20 hp dhe 5 hp).
Policia ka bërë kapjen dhe arrestimin në flagrancë të Azizaj-t dhe Latifi-t në afërsi të këtyre lokaleve, pasi nga hetimet e kryera ka rezultuar se këta shtetas janë të implikuar në veprën penale të “Trafikimit të lëndëve narkotike, kryer në bashkëpunim, mbetur në tentativë”.
/a.m.
