Kryetari i Lëvizjes për Zhvillim Kombëtar (LZHK), Dashamir Shehi thotë se është negociata me grupin e Lulzim Bashës, për aleancë në zgjedhjet e 11 majit, teksa ka bisedime edhe me partinë e Enkelejd Alibeajt.
Në një intervistë për “Newsline” në ABC News, Shehi u shpreh se aleanca e këtyre partive, do të garojë në zgjedhje me lista të hapura.
“Unë gjykoj që jam munduar t’i vë emrin më të përshtatshëm. Ky është realiteti, këto kolegët janë të rinj që janë larguar nga Partia Demokratike. Këtë e kemi bërë edhe në kontekstin elektoral.
Ne, mirë apo keq, këtë histori kemi, jemi një grup partish të qendrës së djathtë. Unë jam shtyrë edhe te partitë e reja, por mesa duket nuk do ia mbërrijmë. Me grupin e ziotit Basha po negociojmë. Besoj se brenda afateve ligjore do mbyllet historia. Lista është e hapur, kjo na bashkon.
Politika është jetë pubilike, ata e dinë pozicionin tim, idetë e mia. Ne i konsiderojmë kolegë, ne nuk bashkojemi me PS, me Edi Ramën, me të tjerët janë të hapur negociatat. Në zgjedhje do të hyjmë veç e veç. Njerëz që puqen me PS për të bërë një kod që nuk ta pranojnë. Lista e hapur ka dy gjëra të mira”, theksoi ai.
Shehi është kundër propozimit të kryedemokratit Sali Berisha, që në zgjedhjet parlamentare të 11 majit të votojnë edhe emigrantë shqiptarë që kanë dokumente të huaja. Shehi u shpreh se ky propozim i duket i çuditshëm, teksa shtoi se nuk mund të realizohet.
“Kjo puna e 84 votave, është përralla më e madhe. Zoti Rama, mezi i mori 73 vota, i mori me alatët që ka. Megjithë vështirësitë që ka opozita, ka shans që e gjitha bashkë të dalë fitimtare. Vijmë te vota e diasporës. Vota, kjo është votë e shqiptarëve jashtë Shqipërisë, do ishte më korrekt. Kam një ide timen.
Ne kemi vënë një ligj për të votuar shqiptarë jashtë Shqipërisë. Kam shtyrë që ligji të bëhet, që njerëzit të votojnë. Ne kemi vendosur si LZHK, që të mos transferohemi andej me tabela e me flamuj. Do shohim se çfarë do kërkohet në kod zgjedhor. Nëse kërkohet që do ua paguajë shteti koston, jemi në favor. Kemi interes të involvohen në këtë proces, jam dakord që të shtyhet vlefshmëria e dokumenteve.
Deri këtu jam në rregull. Nuk e di çfarë kërkon PD dhe PS. Do t’i gjykojmë. Jam dakord të bëjmë çdo gjë që ata të votojnë, ato që mund të bëhet. Ato që nuk kanë dokumente shqiptare, nuk votojnë atje jashtë, por as këtu në Shqipëri. Më duket çudi. Nga këto, mund të ketë relativisht shumë pak”, theksoi ai.
