Po kurohet për Covid në Turqi, Gjykata e Posaçme vendos për pronat e Llallës

Gjykata për Korrupsionin dhe Krimin e Organizuar vendosi heqjen e sekuestros preventive ndaj pasurisë së ish-kryeprokurorit Adriatik Llalla.

Prej vitit 2018, disa mijëra metra katrot tokë dhe një apartament në pronësi të Llallës u vendosën në sekuestro preventive, pas akuzave të ngritura ndaj tij për pastrim parash dhe mosdeklarim të ardhurash.

Heqja e sekuestros vjen pas rënies së akuzave për pastrim parash.

Atualisht ish-kryeprokurori Llalla po gjykohet vetëm për mosdeklarim të të ardhurave.

Seanca e radhës është mbajtur ditën e sotme, ndërsa ish-kreu i akuzës është duke u kuruar në Turqi.

Ai pak ditë më parë është infektuar me Covid-19.

Pasuria e ish-kryeprokurorit Llalla që ishte nën sekuestro:

Apartament banimi, me sipërfaqe 67.2 m², ndodhur në Durrës;

Tokë arë, me sipërfaqe 4.500 m², ndodhur në Tiranë;

Tokë arë, me sipërfaqe 12.300 m², ndodhur në Tiranë;

Tokë arë, me sipërfaqe 3000 m², ndodhur në Tiranë;

Tokë arë, me sipërfaqe 2250 m², ndodhur në Tiranë;

/a.r