Janë një grup “analistësh”, të cilët dalin çdo mbrëmje në television dhe nuk mjaftohen duke sulmuar Edi Ramën, dhe bëjnë mirë, por i hidhen në grykë çdokujt që mendon ndryshe nga ata, pra që mbron Ramën, ose larg qoftë pastaj, të kritikosh Sali Berishën dhe Ilir Metën.
Ata bëjnë si parimorë, me argumentin se janë opozitarë dhe nxjerrin gjoksin si njerëz të nderuar, se po kritikojnë pushtetin, jo si këta të shiturit, që mbrojnë Ramën dhe sulmojnë Berishën dhe Metën (së fundmi dhe Albin Kurtin, duke qenë se tani shihen të tre si një pako).
Dhe i sullen çdo njeriu, duke e akuzuar si të blerë nga Rama, nëse nuk mendojnë si ata, që ‘rastësisht’ mendojnë njësoj si Berisha dhe Meta.
Mediat e Ramës, gazetarët e Ramës, shkruajnë me përçmim për këdo që nuk mendon si Berisha dhe Meta, duke marrë rolin e moralistit, të puritanit të pastër, që mund të kritikojë këdo nga pozita superiore.
I fundit që iu turrën, ishte pikërisht Bill Clinton, njeriu që ndali masakrën ndaj shqiptarëve dhe krijoi shtetin e dytë shqiptar në Ballkan, Kosovën.
E bënë copë të shkretin Bill, si të paguar nga Rama dhe Sorosi, për të sulmuar Albin Kurtin.
Por kush janë këta “puritanët”, që sulmojnë çdokënd që nuk mendon si Berisha dhe Meta?
Janë në fakt, ata që e kanë emrin në listë pagesat e Berishës dhe Metës.
Emrat nuk ka nevojë t’i përmendim, se tani i njohin të gjithë.
Nëse jo, mjafton të ndjekësh emisionet e darkës dhe i identifikon lehtësisht.
TemA
