Emrat e lobistëve qëndrojnë në çdo bllok zyre në Komisionin Evropian. Shumë nga zyrtarët e institucioneve të BE, e kishin menduar të lehtë detyrën e tyre, por kjo, deri në momentin kur ata nisën të lodhen nga lobistët e korporatave. Plotë 30 mijë lobistë, nga kompani të ndryshme, sot vendosin dhe kanë në dorë mbi 75 % të gjithë legjislacionit të BE. Kjo mjafton për të kuptuar se kush vendos sot.
Për të kuptuar sot pushtetin e lobistëve, mjafton t’i referohemi shifrës prej 1 miliard euro që vlen sot industria e lobimit në Bruksel.
Mijëra korporata, kompani të niveleve të ndryshme, banka, studio ligjore apo individë me influencë janë atje duke ushtruar presion për ndërmarrjen e politikave të caktuara nga BE.
Sipas statistikave rezulton se në Bruksel janë të atashuar plot 30 mijë lobistë, një shifër e përafërt me 31 mijë zyrtarë të punësuar në institucionet evropiane. Misioni i lobistëve është të informohen për çdo nismë, e më pas sigurisht kanë ndikimin e tyre duke u bërë propozime konkrete vendimarrësve. Korridoret e Brukeslit “gëlojnë” nga lobistët.
Energjia
Periudha e tashme është mjaft e volitshme për lobusit e energjisë. Sidomos kur tensionet mes Perëndimit dhe Rusisë janë shtuar ndjeshëm dhe fuqitë evropiane kërkojnë njëherë e mirë të largohen nga varësia e gazit rus. Korporatistët po ndikojnë përherë e më shumë për rregullore të reja dhe legjislacion që ndihmon në investimin e energjisë së rinovueshme. Kjo shihet si metodë ku të gjithë fitojnë.
Industria e duhanit
Në muajin Shkurt BE miratoi një direktivë e cila kishte si qëllim ta bënte konsumin e duhanit sa më pak atraktiv për qytetarët, sidomos për shtresën e të rinjve. Por kjo do të sillte humbje të ëmdha për një industri që prodhon miliarda euro. Atë periudhë, lobistë të kompanive më të mëdha nisën “aksionin” në Bruksel.
Vetëm shpenzimet e tyre lobuese kushtuan plot 3 milion euro për 1 javë, por sigurisht janë shumë pak përballë interesave të tyre prej miliardash. Ata u përoqën të bindnin unionin se po ndërmerrnin një politikë të gabuar. Shpesh herë deputetët shprehen se janë ndjerrë nën presion nga lobuesit. Harta e presioneve në një treg aq të rëndësishëm si ai i duhanit sjell me vete të gjitha llojet e intrigave në prapaskenë.
Dokumentet konfidenciale të botuara në shtator tregojnë se si gjigandi i sektorit, Philip Morris International, arriti të shtyjë votimin nga eurodeputetët të direktivës kundër pirjes së duhanit.
“Ishte shumë e neveritshme”, thotë një burim i nivelit të lartë parlamentar.
Informatika
Një ndër sektorët më të rëndësishëm sot është informatika. Erika Mann e facebook, njihet si lobistja më e shquar në Bruksel e cila për 15 vite ka qenë pjesë e Social Dmeokratëve gjermanë.
Shifrat zyrtare flasin për rreth 500 milion euro të shpenzuara nga facebook për lobim në Bruksel vetëm në vitin 2012. Gjthsesi kjo duket një shifër mjaft e vogël, nëse kemi parasysh se vetëm në tremujorin e parë të vitit 2014, facebook ka shpenzuar në SHBA plot 1.7 miliard euro për lobimin.
Kompanitë e teknologjisë amerikane të tilla Facebook, Google, Amazon dhe Microsoft rrallë punojnë si kompani individuale. Ato lidhin aleanca korporatash./Burimi: The Guardian. Për të lexuar lajmin e plotë klikoni KETU
/Javanews/a.m.
