Ish-ministri Ylli Manjani ka bërë një reagim të fortë ndaj gazetarit Sokol Balla. Ky reagim vjen pas një një episodi që pretendohet se ka ndodhur në Amerikë, sipas rrëfimit të një personi i quajtur Muhamet Omari.
Ky i fundit ka thënë se në rrugët e “Time Square” e ka dëgjuar gazetarin duke sharë ish-kryeministrin Sali Berisha.
Manjani i kërkon Ballës të heqë dorë nga gazetaria pasi nuk e ka më besueshmërinë e nevojshme, duke treguar qarte se dhe ish ministri i LSI i ka “rënë” dhe ka kapur “grepin” e hedhur neper rruget e SHBA, dhe peshkuar perlen e ish gazetarit sportiv me Muhamet Omar!
Postimi i Manjanit
Miku im Sokol Balla nuk më çudit, por më bën të ndjehem i keqardhur.
Për fat të keq gazetaria e ka humbur profesionistit Sokol Balla.
Nuk më çudit aspak gjuha e përdorur nga Kolo përgjatë atij episodi që rrëfen Muhamet Omari, por një gjë më bën përshtypje:
ç’nevojë kishte dhe, ende paska, pushteti të harxhojë qimet e kokës për t’u marrë me Berishën, i cili vetë e kishte hequr fishën?!
Sinqerisht, budallëk më të madh politik sesa ky, nuk ka bërë kurrë më parë Edi Rama!?
E bënë Saliun, jo thjesht edhe njëherë kryetar të PD, por legjendë tani në pleqni!
Shumë e çuditshme!
Nejse, po Kol Ballës miqsisht i them ta lërë gazetarinë sepse nuk e ka më besueshmërinë e nevojshme.
Ai është në të vërtetë një shef kabineti perfekt i Edi Ramës.
Dhe kur të jetë larguar Edi Rama nga politika, Kolin prap mik do ta kem, po aq sa edhe sot. Por ky pilaf i shpifur nuk mban më ujë…/m.j
