Në “Loro Boriçi” nuk munguan as përplasjet mes dy tifozërive kundërshtare. Pas provokimeve të tifozëve maqedonas, të cilët ngritën tre gishtat (simboli i çetnikëve), ka qenë tifogrupi i Prishtinës, “Plisat” që ka reaguar duke hedhur flakadanë në drejtim të tribunës ku qëndronin fansat miq.
Duke përfituar nga afërsia mes tribunave të dy tifozërive, flakadanët kanë depërtuar mes turmës së tifozëve maqedonas që nisën më pas të mendonin për t’u mbrojtur duke lënë pas provokimet
Kjo mund të jetë mbajtur shënim nga delegati i FIFA-s, çka mund të sjellë edhe një dënim për FSHF-në. Në fakt, edhe vetë nga selia e FIFA-s mund ta ketë vënë re një episod të tillë, duke qenë se prej dy vitesh çdo ndeshje zyrtare mes skuadrave përfaqësuese ndiqet “live” nga punonjësit e institucionit.
Po ashtu, gazetari Artan Hoxha, i pranishëm në stadium, ka bërë të ditur për shkulje të stolave në tribunën ku ishte vendosur grupi i tifëzve nga Prishtina.
