Enkelejd Alibeaj prezantoi platformën e mbështetur nga 31 deputetë të PD-së, që sipas tij, mund të çojë drejt bashkimit të partisë.

Në një konferencë për shtyp, kryetari i grupit parlamentar nënvizoi se platforma parashikon pezullimin e zgjedhjeve në degë, ndalimin e gjuhës së urrejtjes denigruese ndërmjet demokratëve dhe kërkon krijimin e një grupi pune për hartimin e dhe detajimin e programit për zgjedhjet në strukturat e PD-së.

Aktet e njëanshme, rruga e njëanshme, proceset e njëanshme dhe përjashtuese për mijëra dhe mijëra demokratë, nuk i shërbejnë Partisë Demokratike dhe për rrjedhojë as interesit të demokratëve”, tha Alibeaj.

Por kjo platformë bashkimi vuri më shumë në dukje ndasinë mes demokratëve. Nga 52 deputet që mori PD në zgjedhje, 31 mbështetën këtë platformë, 15 janë tashmë pjesë apo mbështetës të Komisionit të Rithemelimit, ndërsa 6 parlamentarë duket se kishin zgjedhur të qëndronin të baraslarguar ky konflikt.

Edhe pse njëri prej tyre, Xhelal Mziu, reagoi më vonë, duke thënë se kishte pasur angazhime personale ndaj dhe nuk ka qenë në takime, por mbështet platformën e Alibeajt.

Pra bëhen 32 deputetë pro platformës së Alibeajt, kundër 15 deputetëve të Berishës, pëfshi edhe atë, sigurisht.

Matematika e numrave është e thjeshtë, grupimi Basha-Alibeaj vijon të ketë shumicën brenda deputetëve, ndërsa Berisha është minorancë.

Përveç tyre është edhe një grup tjetër, edhe pse më i vogël, çka tregon se përçarja në PD është e thellë dhe vështirë se në këto momente mund të flitet për bashkim.

Por, absurdi është se edhe pse minorancë, grupi i Berishës kërkon t’i imponohet atyre që janë shumicë në PD.