Pas përfundimit të fjalës nga ana e ish Kryeministrit Berisha, fjalën e ka marrë Kryeministri Edi Rama i cili në krye të fjalës së tij ka përmendur filmin amerikan “War Dogs” ose thënë në shqip “Qentë e Luftës”, i cili flet për dy trafikantët e armëve që erdhën edhe në Gërdec.
“Nëse do ndodhte çudia që Saliu nuk do fliste do flisja unë për Saliun se doja ta uroja para parlamentit dhe popullit shqiptar një arritje që nuk besoj se tjetër figurë e politikës shqiptare do e arrijë ndonjëherë, futjen në Hollivud. Sali të përgëzoj që arrite të bëhesh frymëzim edhe për Hollivudin dhe të sugjeroj që atë zyrën e avokatisë që ke ta vësh në veprim për të drejtat e autorit se filmi qen lufte pa ty nuk do të ishte krijuar nga Hollivudi” tha Rama.
Por kjo fjali ka irrituar deputetin demokrat Flamur Noka, i cili është çuar menjëherë në këmbë dhe i është afruar Ramës.
“Ja e sheh ai është krenar që ka shkuar dhe është bërë film në Hollivud për të… dëgjoje Robert De Niron, se nuk i kupton ti këto.”- tha Rama.
Demokrati nuk ka pranuar të ulet në vendin e tij dhe kjo ka sjellë dhe vijimin e situatës së tensionuar për disa momente. Sakaq, Kryeparlamentari Ilir Meta ka ndërprerë për herën e dytë seancën parlamentare të kësaj të enjte.
DEBATI
Flamur Noka: Harroje se mund të flasësh kështu, nxirre përjashta, e kupton ti, nxirre jashtë halabakun
Edi Rama: Mos ma prish se nuk bëhet më, një figurë politike bëhet frymëzim për Hollivudin. Kuptoje sa e rëndësishme është kjo që po them
Noka: harroje se mund të flasë, pas kësaj që ka thënë nuk mund të vazhdojë më harroje. Ndëprisni seancën
Rama: Falë Saliut ky është bërë zëdhënësi më i mirë.
Reagon Noka.
Rama: Ai është krenar që ka shkuar në Hollivud. Ja e dëgjon vetë. Degjojë Robert Deniron. Nuk i kupton ti këto.
Meta: Ruani qetësinë. Të mos përdor fjalët unë që përdore ti flamur. Të lutem.
Rama: Titulli i Hollivudit që nuk do ishte i mundur pa Saliun është “War Dogs”. Hollivudin nuk mund ta censurosh.
Noka: Me këtë gjuhë nuk flitet.
Rama: Po të thotë Saliu të ulesh, Sali mos më shkel syrin, por i thuaj të ulet
Noka: Harroje të thashë, mos mu lut fare, le të kërkojë falje
Rama: O Flamur ulu, se e vetmja opozitë është ai, ca jeni ju mor vlla, kush je ti që del këtu
Noka: Jam ai që nuk të pranoj ty, që të them se ti nuk guxon më të flasësh pas asaj që the
Meta: 5 minuta pushim të qetësohet zoti Noka. Lexojeni fjalën tuaj të zbardhur që të kuptoni se cfarë ke thënë/java/a.k
