Aksi franko-gjerman ka marrë në dorë reformimin e Bashkimit Europian. Presidenti Emmanuel Macron dhe Kancelari Olaf Scholz kërkojnë që, para hyrjeve të reja në Union dhe para zgjedhjeve të mëvonshme europiane, t’i sigurojnë BE-së mjete vendimmarrëse efikase dhe të parandalojnë që ndërtesa europiane “të shembet” nën goditjet sovraniste.
Synimi është që të frenohet lideri hungarez, Viktor Orban, ose dikush si ai të paralizojë bllokun. Plani Macron-Scholz bazohet kryesisht në ndryshime rrënjësore, duke shndërruar votimin unanim në një shumicë të thjeshtë.
Nuk është më një sekret që ashtu si Orban që bllokoi Ukrainën, çdo lider i 27 vendeve anëtare tani përfaqëson një minë me sahat, gati për të shpërthyer vazhdimisht në zemër të BE-së dhe në rrugën e integrimit europian.
Pakti mes francezit Macron dhe gjermanit Scholz është nënshkruar në ditët para Këshillit të fundit Europian. Duke parashikuar që Hungaria do të dilte plotësisht – siç ndodhi më vonë – kundër Ukrainës dhe kundër zgjerimit të BE-së, të dy ranë dakord që në këtë pikë reforma e Traktateve Europiane, veçanërisht për rregullin e votimit në mënyrë unanime, duhet të zbatohet.
Nga ky ndryshim i politikave pritet të përfitojnë shumë nga vendet e Ballkanit Perëndimor, që ashtu si në rastin e Shqipërisë me Greqinë, kanë mosmarrëveshje dypalëshe për çështje të ndryshme.
Scholz e ka thënë dhe publikisht që procesi i zgjerimit, të paktën në rastin e Shqipërisë, të mos mbahet peng nga Athina përmes kërkesave që nuk kanë të bëjnë me plotësimin e kushteve.
Populli Shqiptare te tregohet i zgjuar mos te besoje shume cfare thone gazetaret.Evropa dhe Amerika
paguajne miliona dollare gazetaret Shqiptare qe te shkruajne se po u fut Shqiperia ne Bashkimin Evropjan do zhduket varferia dhe do jetojme me mire.Shqiperia dhe Evropa jane shtete kapitaliste qe te funksjonoje kapitalizmi duhet qe gjysma e Shqiperise te jete e varfer pra puntore po ska te varfer ska puntore kush do punoje token kush do punoje ne fabrika shembet shteti.edhe ne BE te futet Shqiperia prap gjysma e Shqiperise duhet te jete e varfer.Shqiperia do fitoje me shume ne qofte se fut ne loje superfuqi te tjera secila nga ato do perpiqet te jape me shume te kalojme ne influencen e tyre