Garantimi i standardeve për sigurinë ushqimor, një prioritet kryesor i qeverisë është reflektuar në rritjen e investimeve për këtë vi, me 270 milionë lekë më shumë se në vitin 2017.
Autoriteti Kombëtar i Ushqimit (AKU) parashikon gjatë vitit 2018 adresimin e investimeve të rëndësishme në laboratorët e kontrollit ushqimor, blerjen e pajisjeve ekzaminuese në vlerën e 111 milionë lekëve si dhe blerjen 42 makinave të reja për inspektorët e AKU-së raporton Atsh.
Krahas investimeve, detajet e një plani të AKU-së për të ndryshuar situatën e sigurisë ushqimore në vend, fokusohen gjatë vitit 2018 në kontrollin rigoroz të çdo operatori të biznesit ushqimor, deri tek bazhot apo punishtet, që shesin në treg .
Pas mbylljes së pikave të paligjshme të thetoreve të mishit në të gjithë vendin, si një prej hallkave për garantimin e sigurisë ushqimore, AKU po vijon aksionin e kontrollit të standarteve edhe në pjesë të tjera të këtij zinxhiri, dyqane pika tregtimi të mishit, proçedura të liçensimit të bizneseve e deri në përmirësime ligjore që i përgjigjen sigurisë ushqimore.
AKU vlerëson se Shqipëria ka kapacitete prodhuese, përpunuese, tregtuese dhe transportuese për të ofruar ushqim të sigurt në çdo skaj të vendi. Aksioni i nisur nga AKU për sigurinë ushqimore synon të garantojë standardet në këtë sektor. /a.m.
