“Nëse kryeministri Edi Rama mendon që modeli i tij është i mirë dhe i duhur, t’ia propozojë Beogradit për shqiptarët në Preshevë, Medvegjë dhe Bujanovc dhe jo për veriun e Kosovës”.
Kështu u shpreh sot Albin Kurti në një konferencë ëpr shtyp teksa zbardhi edhe propozimet e tij për aleatët me qëllim ç’tensionimin e situatës në veri.
“Kushtetua e Shqipërisë Neni 8 ia detyron Tiranës kujdesin për shqiptarët kudo” – shtoi Kurti.
Kurti tha se sundimi i ligjit është hapi i parë, duke përfshirë identifikimin dhe ndjekjen penale e gjykimin e drejtë të të gjithë atyre që e kanë sulmuar Policinë, pjesëtarët e NATO-s dhe gazetarët.
“Ditën e fillova me një takim me ambasadorët e Quint-it dhe i njoftova me propozimin e qeverisë së Kosovës. Dje në orën 12:00 kam pasur një telefonatë me Borrell me lidhje me situatën në komunat në veri. Dje pasdite kam qenë në komunikim të vazhdueshëm me Lajçak dhe njëkohësisht në mbrëmje dhe me ambasadorin amerikan në Kosovë. Kam shprehur përkushtimin dhe angazhimin për de-përshkallëzimin e situatës në veri dhe normalizim me Serbisë. Unë i kam ofruar Borrell dhe vendeve të QUINT-it një listë me hapa konkretë;
1-Sundimi i ligjit në 4 komunat veri të Kosovës, duke përfshirë, identifikimin, ndjekjen penale dhe gjykimin e pjesëtarëve të grupeve kriminale që sulmuan policinë, gazetarët, KFOR-in.
2-Grupet e dhunshme tërhiqen menjëherë nga territori i Kosovës. Prania e policisë do të zvogëlohet.
3-Policia e Kosovës dhe KFOR, do të kryejnë vlerësim të përbashkëta të sigurisë çdo 15 ditë.
4-Qeveria e Kosovës pas konsultimeve do të shpallë zgjedhje të parakohshme në 4 komunat në veri.
5-Kosova dhe Serbia rikthehen menjëherë në dialogun e ndërmjetësuar nga BE”, tha mes të tjerash Kurti.
/a.r
