Pas 17 shkurtit, ditës së Pavarësisë së Kosovës, 14 dhjetori do të jetë ndoshta data e dytë zyrtare me më shumë peshë në shtetin e dytë të shqiptarëve në Europë.
Kjo e premte është ditë historike, pasi për herë të parë Kosova bëhet me ushtri. Deputetët e Kuvendit kosovar votuan të trija projektligjet që i hapin rrugë transformimit të FSK-së në ushtri të vendit.
Edhe pse ekspertët e kësaj fushe pohojnë se transformimi i tërësishëm në ushtri do të jetë një proces që mund të zgjasë deri në 10 vite, deputetët e Parlamentit të Kosovës janë parë të bashkuar si rrallëherë duke shënuar këtë arritje historike, me mbështetjen e ndërkombëtarëve.
Ndërkohë, kryeministri Ramush Haradinaj i ka dedikuar një mesazh të atit të tij të ndjerë, që u nda nga jeta vetëm pak kohë më parë.
Duke publikuar foton e vet me të atin, Hilmi Haradinaj, Ramushi shkruan: Plak, u ba ushtria!
a.çupaj
