Dy ngjarje të rënda kanë ndodhur mbrëmjen e sotme në Elbasan dhe në Tiranë, ndërkohë që një person ka mbetur i plagosur.
Ngjarja e parë ka ndodhur në Elbasan, ku një person ka mbetur i plagosur me armë zjarri pas një sherri në një pikë bastesh pranë teatrit “Skampa” gjatë kohës që luheshin ndeshjet e UEFA Champions League.
I plagosuri, identiteti i të cilit nuk bëhet ende me dije, është paraqitur në spital.
Autori i plagosjes është identifikuar nga uniformat blu dhe është shpallur në kërkim.
Pas ngjarjes së raportuar për të shtëna me armë në qytetin e Elbasanit, një tjetër ngjarjes është regjistruar në orët e mbrëmjes së të martës edhe në kryeqytet.
Policia ka bërë të ditur se ka marrë informacione për të shtëna me armë në rrugë “Bardhyl” në kryeqytet dhe pasi ka mbërritur në vendin e ngjarjes, nga verifikimet janë gjetur 5 gëzhoja.
Nga të dhënat e para, policia bën të ditur se nuk ka persona të plagosur, ndërsa dyshohet se autorët kanë qëlluar në ajër.
Policia ka shoqëruar 7 persona për verifikim dhe sqarime të mëtejshm
a.ç
