Policia e Fierit ka shoqëruar në komisariat 10 nga militantët e opozitës që morën pjesë në tubimin e djeshëm, ku mbeti i plagosur një efektiv i FNSH-së.
Protestuesit e opozitës ishin mbledhur gjatë kohës që kryeministri Edi Rama po zhvillonte takimin për ‘Bashkinë që Duam’.
Këta persona janë marrë në pyetje në polici dhe nëntë prej tyre më pas janë lënë të lirë.
Ndërkohë që një protestues mbetet ende i ndaluar nga policia. Forcat e rendit nuk kanë dal ende në një komunikatë zyrtare për personat e shoqëruar, të cilët protestuan kundër vizitës së Kryeministrit Rama në Fier, dhe ende nuk ka asnjë autor për plagosjen e efektivit të policisë në protestë e ditës së shtunë.
