Plagosja e menaxherit të Feros, Mehmet Elshani është kthyer sërish në vëmendje. Fero ka thënë në Gjykatë se nuk ka pasur dijeni se të akuzuarit, Shpëtim Cakiqi, Leotrim Krasniqi dhe Adhurim Krasniqi kishin plagosur menaxherin e tij.
Para trupës gjykuese, ka thënë se ditën kur ka ndodhur ngjarja, ishte në xhami me disa miq.
“Unë kam shkuar për tu falur dhe pas disa orëve dëgjova që është plagosur menaxheri im, Mehmet Elshani, ashtu kam dëgju dhe kam pa në lajme”, tha Fero.
Lidhur me të akuzuarit Fero ka thënë se nuk i njeh dhe se për herë të parë për to ka dëgjuar ditën e plagosjes.
Ndër të tjera tha se pas plagosjes ka shkuar në spital për të takuar ish-menaxherin e tij, por nuk është lejuar pasi gjendja shëndetësore e Elshanit ka qenë tepër e rëndë.
“Kam shku me vizitu në spital, më duket pas një jave, se njëherë e ka pasur gjendjen e keqe shëndetësore, nuk më kanë lënë të hyj, por e di që pas disa ditëve kam shkuar edhe e kam vizituar”, tha Shabani.
Pyetjeve se ai ka qenë shkaku i kësaj zënke mes ish-menaxherit të tij dhe personave të akuzuar, Fero ka thënë se nuk ka aspak dijeni dhe se nuk ka pasur konflikte me askënd. Lajmet e mediave ai i cilëson si prishje imazhi.
/a.r
