Tiranë – Një 37-vjeçar u arrestua nga efektivët e komisariatit numër 4 në Tiranë pasi plagosi me thikë një person, 37-vjeçarin me inicialet S.K, pas një konflikti që policia e karakterizon “për motive të dobëta”.
O. H., 37 vjeç, banues në Tiranë, në rrugën “Ali Baushi” ka goditur me mjet prerës në trup S. K., 37 vjeç i cili ndodhet në spital nën kujdesin mjekësor.
Policia e Tiranës thotë se materialet procedurale iu referuan për veprime të mëtejshme Prokurorisë së Tiranës për veprën penale “Plagosje e rëndë me dashje”. /l.m
