Katër ditë më parë një takim për të sqaruar sherrin mes dy djemve të tyre, përfundoi në grushte e më pas përdorimin e armëve nga ana e dy baballarëve. Para trupës gjykuese, oficeri i Shërbimit të Kontrollit të Brendshëm të Burgjeve Kleant Musabelliu, tha se qëlloi ndaj ish pronarit të “Rozafës” Pëllumb Gjoka për t’u vetëmbrojtur.
Musabelliu dhe Gjoka u takuan për të sqaruar një sherr mes dy fëmijëve të tyre, por situata ka precipituar. Sipas Musabelliut, biznesmeni kishte ardhur së bashku me disa persona dhe në momentin kur janë takuar, këta të fundi i janë turrur me grushte për ta rrahur.
“Në këtë moment kam nxjerr armën dhe me sa mbaj mend kam qëlluar në ajër.” – u shpreh Musabelliu para togave të zeza.
Përpos arsyetimit të Kleant Musabelliut, gjykata vendosi që të lërë në fuqi masën e arrestit me burg. Njgjarja ndodhi në orët e mbrëmjes, 4 ditë më parë në Tiranë.
ma.me
