Një person është aksidentuar gjatë orarit të punës dhe ka përfunduar në spital me plagë në trup.
Ngjarja ka ndodhur në qytetin e Gjirokastrës dhe sipas informacioneve i plagosuri është shtetasi Menti Cobo nga Berati.
Mësohet se punëtori është dëmtuar me sharrë, ndërsa ndodhet në spitalin rajonal të Gjirokastrës “Omer Nishani”, ku po merr ndihmën e parë mjekësore.
Për shkak të plagëve të rënda, 34-vjeçari pritet të dërgohet me helikopter në Tiranë, për një mjekim më të specializuar.
Policia dhe grupi hetimor në vendngjarje po punojnë për zbardhjen e plotë të rrethanave.
/a.r
