Dy reperët e njohur italianë Emilio Finizio dhe Yuri Margini janë arrestuar nga policia pasi akuzohen se kanë plagosur rëndë me thikë një të ri shqiptar.
Aldi Shpijatit, 21 vjeç, futbollist i ekipit të Arcetana, mbeti i plagosur javën e kaluar pasi u godit me mjet prerës nga dy reperët, pas një sherri në afërsi të stacionit të Scandiano. Emilio Finizio, 36 vjeç, banues në Viano dhe Yuri Margini, 20 vjeç, lindur në Castelnuovo Monti dhe banues në Viano, u arrestaun nën akuzën e vrasjes së mbetur në tentativë gjatë natës së 4 shkurtit. Arrestimi u bë i mundur pas zbardhjes së ngjarjes nga karabinierët e Reggio Emilia raporton shqiptara.com. Gjatë hetimeve policia jo shumë larg nga vendi i ngjarjes ka gjetur edhe armën e krimit, një thikë 8.5 cm me gjurmët e gjakut në të.
Në kontrollin që u bë në shtëpinë e reperëve u gjetën rrobat me gjurmë gjaku në to, të cilat u dërguan për ekspertizë. Reperët gjatë natës së sotme të 10 shkurtit kishin një koncert në Torino, i cili sigurisht që u anullua për shkak të arrëstimit të tyre./a.m.
