Analisti Preç Zogaj ka replikuar me Eduard Zaloshnjën, statisticienin dhe njeriun që bën sondazhe në Shqipëri. Duke qënë se Zaloshnja kishte bërë një përllogaritje matematike, duke thirrur në ndihmë dhe “google” që nxirrnin një pjesmarrje të opozitës në protestë diku te 25 mijë njerëzit, një fakt i tillë ka provokuar dhe Zogajn i cili ka replikuar në rrjetin social.
Analisti afër të djathtës Zogaj nuk mungon të theksojë se çështja e numrave nuk ka shumë rëndësi për një protestë, pavarësisht se ndan qëndrim të ndryshëm me Zaloshnjën. Për të rëndësi kanë parimet që kanë të bëjnë me sjelljen e votës së lirë për të cilat ai ka luftuar që në vitin 1990. Dhe për Zogajn këto parime janë mes të tjerave Presidenti nga populli, diskutimi i kandidaturave për deputetë, votimi dhe numërimi elektronik. Këto sipas tij janë dhe në diskurin politik të Bashës dhe prandaj e mbështet atë.
“Miremengjes Eduard, mund te bejme edhe humor, nuk na kushton asgje, madje ia vlen se eshte edhe e diele sot. Une them ta leme henen ne punen e saj; ta leme edhe ” debatin” ” per pjesmarrjen ne proteste, duke qene se mua qe e pashe me syte e mi nuk me thone asgje filimet selektive apo truket me drone, ndersa ty qe ke pare keto filmime nga shtepia nuk te bindin deshmite okulare. Ok.
Une them te merremi me ate qe perben vertete nje interes te madh publik per sot dhe per neser. E kam fjalen per keto parime- premtime te levizjes opozitare: Te zgjidhim njehere e pergjithmone çeshtjen e zgjedhjeve te lira e te ndershme me nje kuader ligjor specifik per nje vend qe nuk arrin ti zhvilloje ato prej dy dekadash. (Ka shume menyra per ta bere kete).
Presidenti te zgjidhet nga populli, kandidatet per deputet te dalin nga nje konsultim i gjere i partive respektive me anetaret dhe simpatizantet e tyre (me primare, me votim elektronik, e tjere), asnje deputet te mos rikanddidohet apo trasferohet ne nje qark tjeter per te filluar genjeshtren nga e para, pa dhene llogari para zgjedhesve per bilancin e tij katevjeçar, deputetet te zgjidhen me sistem mazhoritar me qellim qe zgjedhesit te njohin perfaqesuesit e tyre, qytetareve tu lehtesohen ne maksimum procedurat per nisma referendare me qellim qe ata te shprehen dhe te diktojne politika e qendrime me voten e tyre.
Me fjale te tjera, vendimarrjet e medha te dalin nga zyrat e liderve autoritariste dhe kulisat e interesave klanore, siç ka ndodhur e ndodh ne Shqiperi prej me shume se dy dekadash dhe të ndahen apo ti kalojnë popullit. Ketu fillon ndryshimi i madh, nisja e re, republika e re- s’ka rendesi emri.
Une per keto parime kam luftuar qe nga viti 1991 dhe jam detyruar te perplasem me politikat autoriste te çdo krahu. Sot keto parime i ka bere pjese te vizionit dhe diskurit te tij, duke i çuar me tej, Lulzim Basha. Mund te ishte nje tjeter, nuk ka rendesi. Rendesi ka ndegjegjesimi, konceptimi dhe perpjekja per ta bere gjithe kete nje kauze politike te qytetareve. Per keto ia vlen te diskutojme. Te pershendes dhe te uroj nje te diele te mbare”, shkruan Zogaj në rrjetin social.
ma.me
