Pjesa kontinentale e Kinës ka pezulluar importet e disa agrumeve, peshkut-shirit me vija të bardha të ftohtë dhe skumbrit të ngrirë nga rajoni i Tajvanit duke filluar nga 3 gushti për të parandaluar rreziqet, njoftoi të mërkurën Administrata e Përgjithshme e Doganave.
Planococcus minor, një çimkë shumë polifage, u gjet me shumicë në agrumet e importuara nga Tajvani që nga viti i kaluar, tha Administrata e Përgjithshme e Doganave në një deklaratë.
Në qershor, peshku-shirit me vija të bardha i ftohtë dhe skumbri i ngrirë i importuar nga Tajvani dolën pozitivë për COVID-19, sipas deklaratës.
Administrata e Përgjithshme e Doganave e Kinës nxori dy rregullore të reja për sigurinë ushqimore të produkteve të import-eksportit vitin e kaluar, duke përfshirë kërkesat për vlerësimin dhe inspektimin e sigurisë së ushqimeve të huaja, regjistrimin e importuesve dhe eksportuesve, etiketimin e produkteve dhe menaxhimin e rreziqeve të sigurisë ushqimore.
Të dyja rregulloret, të quajtura “Masat për administrimin e sigurisë së ushqimeve të importuara dhe të eksportuara” dhe “Dispozitat administrative për regjistrimin e prodhuesve të huaj të ushqimeve të importuara”, hynë në fuqi më 1 janar të këtij viti.
Organi rregullator i bujqësisë i Tajvanit u ofroi ndihmë bizneseve vendore që të respektojnë rregullat e reja që kur u publikuan, por disa prej tyre ende nuk kanë përfunduar regjistrimin siç kërkohet, raportuan mediat vendore të mërkurën.
Po sipas këtyre mediave, çdo vit 45 për qind e eksportit të frutave të Tajvanit bëhet në pjesën kontinentale të Kinës.
