Dita e katërt e Kupës së Botës në Katar u hap me sfidën fillestare të grupit F, që përballet me Marokun dhe Kroacinë në stadiumin “Al Bayt”, objekt që tashmë ka pritur ndeshjen inauguruese të kompeticionit të dielën e kaluar.
Formacioni i kombëtares afrikan është interesant, por ndryshimi i fundit i komisionerit teknik (Regragui zëvendësoi Halilhodzic në fund të gushtit) ka hequr njëfarë sigurie. Kroacia, plot talent, në vend të kësaj fillon me barrën dhe nderin e të qenit skuadra nënkampione në fuqi e botës.
Maroku startoi me ish-interistin Hakimi, Amrabat nga Fiorentina, Sabiri nga Sampdoria dhe Ziyech nga Chelsea. Te Kroacia, kapiteni Modric është fanar i mesfushës, i ndihmuar nga Brozovic dhe Kovacic. Në treshen sulmuese ballkanase ka vend për Vlasic, Pasalic dhe Erlic.
Asnjë precedent në Kupën e Botës mes Marokut dhe Kroacisë, të cilët janë përballur vetëm një herë në histori: ishte 11 dhjetor 1996 dhe në “Casablanca”, në gjysmëfinalen e trofeut “Hassan II”, sllavët fituan me penallti 7-6 pas barazimit 2-2 gjatë kohës së rregullt. Ajo ndeshje mbahet mend edhe për tre kartonë të kuq.
Kronika e lojës:
6’ – Këndorja e parë e ndeshjes është për Kroacinë. Topi harkohet në zonën e portës afrikane, ku Modric mundohet të godasë fluturimthi, por pa shënjestrën e duhur.
10′ – Kroacia dominon posedimin e topit, Maroku megjithatë tenton të vjedhë “sferën” për të dalë shpejt dhe befasishëm në kundërsulm.
13’ – Maroku i rrezikshëm. Diagonalja e Hakimi devijohet nga një mbrojtës kroat, pastaj topin e bllokon në tokë portieri Livakovic.
17’ – Blic ofensiv i Perisic, pas gabimit në fazën e hapjes së aksionit të Marokut. Kroati gjuan me të majtën nga jashtë, pak lart mbi traversën e Bounou.
21’ – Mundësi e mirë për skuadrën afrikane. Goditja e dënimit, ekzekutuar nga Ziyech, përfundon në barrierën kroate.
28’ – Frymëzimi vjen nga Kovacic, i cili kroson në qendër të zonës marokene. Portieri Bounou del me një shtrëngim të sigurt të topit në ajër, duke evituar rrezikun.
35’ – Ndeshje e ekuilibruar deri tani. Pas dominimit territorial fillestar të Kroacisë, Maroku ka ngritur qendrën e gravitetit. Megjithatë, nuk ka shanse reale për shënim.
Formacionet startuese:
Maroku (4-3-3): Bono; Hakimi, Saiss, Aguerd, Mazraoui; Amrabat, Ounahi, Amallah; Ziyech, En Nesyri, Boufal.
Kroacia (4-3-3): Livakovic; Juranovic, Lovren, Gvardiol, Borna Sosa; Brozovic, Modric, Kovacic; Vlasic, Kramaric, Perisic.
/a.r
