Policia e Elbasanit vuri në pranga një person i cili qarkullonte me armë zjarri pa leje.
Për pasojë u sekuestrua një armë zjarri pistoletë dhe një automjet.
Specialistët për Krimet në Komisariatin e Policisë Elbasan bënë arrestimin në flagrancë të shtetasit Erion Çapja 28 vjeç banues në Elbasan.
Arrestimi i tij u bë pasi në Lagjen “Emin Matraxhiu”, gjatë kontrollit të ushtruar në automjetin që drejtohej nga shtetasi i lartpërmendur, policia ka gjetur dhe sekuestruar në cilësinë e provës materiale:
Një armë zjarri pistoletë me mulli me 6 fishekë të kalibrit 9 mm.
Gjithashtu u sekuestrua dhe automjeti që drejtohej nga shtetasi E. Ç.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit” parashikuar nga neni 278/1 i Kodit Penal.
