Një pistoletë në brez të një presidenti klubi, ka bërë që kampionati grek të pezullohet. Ky është vendimi i kryeministrit Cipras, pas ngjarjeve të djeshme në stadiumin Tumba në ndeshjen mes Paok dhe AEK.
Ky vendim u njoftua në mesditën e të hënës nga ministri i Sporteve Jorgos Vassiliadis pas një takimi të gjatë që ka zhvilluar me kryeministrin Aleksis Cipras.
Sipas burimeve qeveritare, Kryeministri i tha kolegëve të tij gjatë takimit në mëngjes se “Nuk më intereson kostoja politike. Kjo histori do të përfundojë dhe të gjithë do ta gjejnë veten para përgjegjësive të tyre”, raporton “Ta Nea”.
“Ne nuk kthehemi pas”, tha Vasiliadis duke shtuar se po vazhdojmë betejën tonë për transparencë dhe futboll më të mirë.
“Qeveria ka bërë beteja të mëdha për të pastruar futbollin, shumë është bërë, por mbetet shumë për t’u bërë. Sidoqoftë, nuk do të lejojmë që të rrezikojmë gjithë këtë përpjekje “, tha Vassiliadis.
I pyetur për mundësinë e futbollit, Grexit tha se gjithçka është në tryezë nëse nuk merr secili përgjegjësitë e tyre.
Së fundimi ai u pyet nëse vendimet do të ndikojë në ekipin kombëtar, dhe theksoi se të gjitha dispozitat e nevojshme të merren për të parandaluar këtë që ndodhë.
Megjithatë, këto vendime nuk e heq mundësinë e një futbolli Grexit, pasi UEFA mblidhet të mërkurën për të marrë vendime për federatën e vendit gjatë incidenteve të fundjavës.
Mbrëmjen e të dielës presidenti i PAOK Ivan Savidis u fut i armatosur në fushën e lojës. Në brez i dukej revolveri personal dhe kërcënoi gjyqtarin duke i thënë se “Je i vdekur”.
Prokuroria ka lëshuar një urdhër arresti për biznesmenin dhe katër truprojat e tij, por urdhëri nuk është ekzekutuar ende, pas ata nuk janë gjendur.
Ivan Savidis, një biznesmen rus me origjinë greke, konsiderohet nga opozita se ka pasur mbrojtjen e qeverisë Tsipras, në këmbim të mbështetjes që i ofron me dy mediat që bleu së fundmi, një televizion dhe një të përditshme të madhe.
Imagjinoni çfarë do të ndodhte në Shqipëri, po të merrej për bazë armëmbajtja e personave me poste zyrtare në ambjente publike. As futboll dhe as parlament s’do të kishte…
