Një emigrant shqiptar në Greqi rezulton i zhdukur prej pesë ditësh.
Siç raportojnë mediet greke, emigranti shqiptar është parë për herë të fundit mbrëmjen e 28 gushtit. Telefoni i tij mbetet i fikur, ndërsa më shqetësues është fakti se makina e tij u gjet e braktisur afërsisht dy kilometra larg shtëpisë së tij.
Informacionet thonë se 46-vjeçari ka qenë me miqtë e tij pasditen e 28 gushtit, ndërsa mbrëmjen e së njëjtës ditë ka pasur një takim të planifikuar me një klient për punën, në një hotel Rodos në zonën e Kalithon.
Nga kontrolli i bërë në kamerat e sigurisë, u konstatua se 46-vjeçari është drejtuar drejt kësaj zone.
Policia ka kontrolluar të gjitha hyrjet dhe daljet nga ishulli, por pa asnjë rezultat. Njëkohësisht po merren në pyetje edhe personat me të cilët 46-vjeçari ka pasur transaksione financiare dhe profesionale. Të gjitha pistat për zhdukjen e shqiptarit janë të hapura./m.j
