Pipero: Në ditën më të keqe kishim 89 të infektuar, sot kemi rreth 80

I ftuar në “Opinion”, mjeku Pëllumb Pipero sërish bëri thirrje që të mos neglizhohen masat mbrojtëse ndaj Covid-19.

I pyetur sesi është gjendja aktualisht në spitalin Infektiv, ai u shpreh se është serioze, ndërsa pohoi se gjatë izolimit, dita më e keqe ka qenë me 89 të infektuar, ndërsa sot ka rreth 80 persona.

“Gjendja është serioze sepse ne kemi aktualisht rreth 80 të sëmurë, në ditën më të keqe në pjesën e parë të kësaj epidemie kishim 89, sot kemi 80 dhe kemi 14 pacientë në terapi intensive”.

Ai tha se të gjithë të intubuarit, kanë sëmundje të tjera shoqëruese.