Tifozët e Milanit numërojnë ditët: ka mbetur shumë pak deri më 3 janar, data në të cilën u vendos prezantimi i Ibrahimoviç. Natyrisht, Stefano Pioli po e pret krahëhapur suedezin. Trajneri kuqezi, i intervistuar nga “Il Corriere della Sera”, lartëson sulmuesin e tij të ri dhe zbulon përmbajtjen e telefonatës së parë me suedezin: “Unë e mirëprita. Ai më pyeti për kushtet e ekipit, për seancat e ardhshme stërvitore, për situatat me të cilat do të përballemi në vazhdim. Ibra më tha: Profesor, mos u shqetëso, unë jam mirë”.
Kuptohet, Pioli nuk ka asnjë dyshim për cilësitë e Ibrahimoviçit, si një sulmues i shkëlqyer dhe lider për skuadrën: “Ibra është një luftëtar, një udhëheqës, një lojtar karizmatik, që ka një ndjenjë të madhe të përgjegjësisë dhe një dëshirë të madhe për të fituar. Ai do të jetë një stimul për të gjithë ekipin, kontributi i tij do të jetë themelor. Ibra mund të bëjë gjithçka, mund të shënojë gola me shokët e tij. Ai e njeh mirë zonën, do të jetë pikë referimi për lojën tonë ofensive. Ma tha në telefon, është shumë i karikuar. Mezi po pret të stërvitet me ne, ashtu si unë”.
Sidoqoftë, Pioli shpreson që ardhja e Ibrës nuk do ta “depresionojë” përfundimisht Piatek, lojtar për të cilin trajneri synon të vërë bast përsëri: “Nëse luan për Milanin dhe mbërrin një lojtar me cilësi, duhet të jesh i stimuluar dhe i lumtur. Sa më shumë lojtarë të mirë të kesh, aq më tepër shanse ke për të fituar. Sidoqoftë, të jesh në formacionin e parë te Milani, duhet ta meritosh”.
Në fund, trajneri kuqezi ka fjalën e tij për rolin e Paquetà, i cili u shfaq në vështirësi në fillim të këtij sezoni: “Pa dyshim, ai është një lojtar gjysmëkrahu. Paqueta punon me përkushtim dhe zemërgjerësi, është lojtar me cilësi, kështu që duhet të bëhet më vendimtar. Kjo do të thotë se duhet të shënojë. Ai mund të bëj kërcimin e fundit në karrierë, që është edhe më i vështiri”.
