Gjykata ruse dënoi piloten ukrainase Nadja Savchenko me 22 vjet burg për pjesëmarrje në vrasjen e dy gazetarëve rusë në lindje të Ukrainës.
Gjykata e ka përfunduar të enjten (24 Mars)leximin e vendimit, e cila filloi që një ditë më parë.
Kur gjykatësi e shpalli fajtor, Savchenko filloi të këndojë himnin kombëtar të Ukrainës, ndaj u bë një pauzë para se të dënohej, raporton BBC, cituar nga BETA.
Savchenko, pilote ushtarak, ishte një vullnetare në një batalion ukrainas, por akuzohet se e ka ditur koordinatat për bombardimin i cili vrau dy gazetarë dhe disa civilë në korrik 2014, dhe se në këtë aksion, akuzohet se është nxitur nga urrejtja “politike”.
Ajo u akuzua për tri akuza: për vrasje, tentim vrasje dhe kalim ilegal të kufirit. Prokuroria ka kërkuar 23 vjet burgim për Nadya Savchenko. Gjykatësi tha se përveç kësaj, ajo (Savchenko) të duhet të paguajë një gjobë për kalim të paligjshëm të kufirit rus.
Avokati i saj tha se ajo nuk do të njohi vendimin e gjykatës ruse, çfarëdo qoftë dhe se ai nuk do të apelojë vendimin. Ai tha se ajo do të vazhdojë grevën e saj të urisë dhe etjes pas gjykimit në mënyrë që ta kthejnë në Ukrainë. Ajo ka mbajtur grevë urie dhe etje, por më vonë filloi për të pirë ujë, edhe pse vazhdoi grevën e urisë.
