Dy efektivë të policisë rrugore janë pezulluar nga detyra dhe ndaj tyre kanë nisur hetimet, pasi u denoncuan në një video ku shiheshin në aksin rrugor Lezhë-Tiranë, duke marrë para nga një qytetar. Policët janë Y.J dhe N.H.
Shërbimi për Çështjet e Brendshme dhe Ankesat ka nisur procedimin penal në gjendje të lirë ndaj tyre.
Ata pasi kanë ndaluar mjetin nuk kanë kryer asnjë verifikim, nuk kanë zbatuar procedurat standarte duke mos i komunikuar drejtuesit arsyen e ndalimit për shkeljen e konstatuar prej tyre. Më pas për të mos i vendosur një gjobë i kanë marrë lekë.
