Godina numër 15 në Qytet Studenti, në të cilën aktualisht jetojnë rreth 60 familje me 220 persona në total, do të shembet në mbrëmje.
Një përfaqësues i Bashkisë së Tiranës deklaroi se ndërtesa ka pësuar dëme në strukturë si pasojë e tërmetit të 26 nëntorit.
Madje vetë banorët, ndër vite sipas tij, kanë ndryshuar strukturën e objektit pas ndërhyrjeve që kanë bërë. Për banorët e godinës 15, Bashkia do të ofrojë bonus qiraje. Ata që nuk kanë ku të shkojnë këto ditë do të qëndrojnë te palestra e gjimnazit “Ismail Qemali”.
Ndërkohë Godina është e rrethuar nga forcat e policisë së Rendit dhe nga Policia Bashkiake. /e.s/
