Elvin Hoxha, një nga violinistët më të famshëm të botës, tashmë ka thyer një record të ri në karrierën e tij muzikore.
Sot është shpërndarë në platformat digjitale një ndërmarrje e madhe artistike, dy koncerte për Violinë e Orkestër të kompozitorit legjendar, Felix Mendelssohn.
Dy koncertet në Re dhe Mi Minor, me 3 pjesë secila janë shqëruar nga Württembergische Philharmonie Reutlingen, një nga orkestrat më elitare në Gjermani, ku dirigjent ishte anglo-zvicerani, Howard Griffiths, një emër i madh i muzikës klasike dhe koncertore.
Dy koncertet për violinë të Felix Mendelssohn Bartholdy ofrojnë një përgjigje bindëse. Midis mrekullisë trembëdhjetëvjeçare të vitit 1822 dhe mjeshtrit të pjekur të vitit 1844, jo vetëm që shpaloset zhvillimi i një kompozitori të jashtëzakonshëm, por edhe spektri i plotë i estetikës së Mendelssohn: një dashuri për formën e shoqëruar me një gatishmëri për inovacion, një kombinim i përsosmërisë teknike me menjëhershmërinë emocionale dhe një ekuilibër midis traditës dhe progresit.
Elvin Hoxha( Ganiyev) është një violinist koncertesh i njohur ndërkombëtarisht që performon me orkestra dhe dirigjentë kryesorë në mbarë botën. i lindur në vitin 1997 në një familje muzikantësh të shquar, ai filloi të luante violinë në moshën pesë vjeç nën tutelën e Server Ganiyev në Universitetin e Bilkentit dhe bëri debutimin e tij solo në moshën tetë vjeç me Orkestrën Simfonike të Bilkentit.
Elvini, është lindur nga një baba shqiptar nga Shkodra, Hajredin Hoxha dhe nënën nga Azerbaxhani. Të dy prindërit kanë qenë muzikantë të filarmonisë së Ankarasë si solistë dhe orkestrantë të njohur.
Elvini është një pasionant i violinës, që e cilëson si jetën e tij. Ai luan me një violinë të lashtë të prodhuar nga i madhi Giuseppe Guarneri, djali i Andrea-s, që cilëshet edhe babai i këtij instrumenti muzikor.
Elvin Hoxha, vjen shpesh në Shqipëri për koncerte, e një të tillë e pati një muaj më parë në sallën e Akademisë së Arteve me orkestrën e RTSH-së, e cila pati në sukses qoftë nga publiku qoftë nga kritika.
Württembergische Philharmonie Reutlingen (WPR) është një orkestër simfonike e njohur me seli në Reutlingen, Baden-Württemberg. Hoëard Griffiths është një dirigjent britaniko-zviceran me aktivitet ndërkombëtar. i lindur në Britaninë e Madhe, ai studioi në Kolegjin Mbretëror të Muzikës në Londër dhe jeton në Zvicër që nga viti 1981. Si dirigjent i ftuar, ai punon me orkestra kryesore si Orkestra Filarmonike e Londrës, Orkestra Deutsches Symphonie-Orchester Berlin, Orkestra Mozarteum Salzburg, Orkestra Simfonike Tchaikovsky, Orkestra Kombëtare e Francës dhe Orkestra Filarmonike e Izraelit. Bashkëpunimet e tij të ngushta me kompozitorë si Sofia Gubaidulina, Arvo Pärt dhe Hans Werner Henze e kanë bërë atë një artist të gjithanshëm dhe të kërkuar.
TemA
