Një 58-vjeçar në Shkodër ka ndërruar jetë si pasojë e arrestit kardiak, teksa po drejtonte automjetin e tij.
Sipas njoftimit të policisë, 58-vjeçari pësoi arrest kardiak dhe u përplas me dy automjete të tjera të parkuara, në lagjen “Mark Lula”.
Ai u dërgua në spital, ku dhe ndërroi jetë.
Njoftimi i Policisë:
Shkodër/Informacion paraprak
Në orët e para të mëngjesit, në lagjen “Mark Lula”, shtetasi T. Z., 58 vjeç, duke drejtuar automjetin e tij, dyshohet se ka pësuar arrest kardiak dhe si pasojë automjeti është përplasur me dy automjete të parkuara.
Shtetasi T. Z, është transportuar në spital por ka humbur jetën.
Grupi hetimor po punon për sqarimin e plotë të rrethanave dhe shkakut të këtij rasti.
