Deputeti Ben Blushi i ka cilësuar si heronj protestuesit e Zharrëzës, të cilët ditën e sotme kanë larguar nga protesta e tyre Lulzim Bashën, i cili deshi t’u bashkohej atyre. Edhe pse kërkoi falje, Basha nuk u la të protestonte me ta ditën e sotme. Për Blushin ata janë heronj që po na mësojnë si protestohet dhe si kërkohet drejtësi.
“Grevistët e Zharrëzës janë sot heronjtë e Shqipërisë. Ata po na mësojnë si protestohet dhe si kërkohet drejtësi. Sot e dëbuan nga protesta e tyre Lulzim Bashën duke bërë atë që do bëjnë shumë shpejt gjithë shqiptarët. Do zbojnë nga pushteti partitë e vjetra te cilat mbajnë në këmbë pushtetin e përbashkët të padrejtësisë”, shkruan Blushi në “Facebook”.
ma.me
