Lindja e parë për Sonilën u kthye në një makth. Ne rubrikën “Ka Një Mesazh Për Ty” ajo tregon se vajza e parë lindi me shumë probleme dhe frika vazhdoi ta shoqëronte edhe në lindjen e tjera, megjithatë se lindja e dytë dhe e tretë i shkoi shumë mirë, por në lindjen e katërt kur në jetë erdhi djali i saj, ndodhi ajo i druhej….
Sonila: Po faleminderit Zotit, është mirë! Vuajta shumë me të, por më sprovoi Zoti me vajzën e parë. Pastaj erdhën në jetë dy fëmijët e tjerë të shëndetshëm. Unë e kisha gjithnjë atë sikletin dhe merakun, se mos po lindin me probleme dhe fëmijët e tjerë. Faleminderit Zotit, dy fëmijët e tjerë jo. Në vitin 2024, një shtatzëni e papritur. Ishte shtatzënia e katërt, nuk dëshiroja një shtatzëni tjetër. Ishte shumë e vështirë për mua. Kisha tre fëmijë të vegjël dhe gjithnjë mendoja se do lindë me probleme, më kishte mbetur si fiksim i imi ky.
Ardit Gjebrea: Ashtu ndodhi?
Sonila: Jo nuk ndodhi ashtu! Faleminderit Zotit! Në vitin 2025, më 13 janar erdhi në jetë çuni, shëndosh e mirë. Mbërritëm në shtëpi të gëzuar, por pas dy javëve, spitali më merr në telefon dhe më thonë që analiza e tiroides ka dalë shumë e lartë, e djalit të vogël që sapo kishte lindur. Aty u mërzita shumë. Mora një kolpo shumë të madhe, se thashë se atë që mendoja ajo ndodhi. Brenda dy muaj e gjysmë, u rikuperua analiza e tiroides dhe gëzon shëndet të plotë dhe vetëm ai ishte problemi. Por, pas dy muaj e gjysmë mua më kapi atak-paniku i parë.
