Qindra qytetarë shqiptarë morën pjesë të martën në përurimin e postamentit me shqiponjën dykrenare në lagjen e Tophanës në komunën Çair të Shkupit, në ditën e përvjetorit të fillimit të luftës së Ushtrisë Çlirimtare Kombëtare në vitin 2001. Shpalosjen e këtij monumenti e bënë lideri i Bashkimit Demokratik për Integrim Ali Ahmeti dhe kryetari i komunës së Çairit Izet Mexhiti. “Sot Shkupin e dua me Hasan Prishtinën, e dua Shkupin me Isa Boletinin, e duam Shkupin dardan, e duam Shkupin më shumë se dje, sepse e kemi Universitetin Nënë Tereza, këto janë gjëra që preken. Këto janë vepra kapitale. A ka kujtim më të mirë për heronjtë tanë që përkujtohen me një shqiponjë në mes të Shkupit, tha Ali Ahmeti.
