Disa raportime në Peru thonë se ekipi kombëtar mund të përjashtohet nga Botërori i vitit të ardhshëm.
Sipas gazetës peruane, “Libero”, një ligj i propozuar nga Paloma Noceda, kryetarja e komisionit për Rini e Sport, mund të kalojë federatën e futbollit nën kontroll të shtetit – që nuk lejohet sipas rregullave të FIFA-s.
Raportohet se FIFA ka kundërshtuar këtë zhvillim dhe ka kërkuar detaje të tjera nga Peruja.
“Nëse ligji kalon tutje dhe FIFA nuk është e kënaqur, ka gjasa që Peruja të përjashtohet nga garat ndërkombëtare, përfshirë Botërorin e vitit të ardhshëm”, transmeton “Football-Italia”.
Ndërkohë ajo që po lakohet është se Italia do të zëvendësonte Perunë në rast se përjashtimi zyrtarizohej./a.m.
